Að þurfa að horfa upp á það ár eftir ár að gott fólk og vasklegir íþróttamenn séu dæmdir til að veita móttöku þeim óskapnaði sem verðlaunagripurinn sem Samtök Íþróttafréttamanna neyða eineltislega upp á stakan íþróttamann skömmu fyrir áramót, eflaust af annarlegum hvötum, er sárara en tárum taki.

Jafnvel minnstu Epal-menn fá sáran verk í smekksemina við að vita af þessu ferlíki földu í kassa úti í bílskúr, eða í glerhillu í dimmu húsnæði íþróttafélags.

Enginn ætti að þurfa að vera tilneyddur til að veita þessu móttöku.

Sýnum afreksfólkinu okkar þá mannvirðingu sem þau, einsog við öll, eiga skilið.

Við undirrituð skorum því hérmeð á Samtök Íþróttamanna að láta af þessu félagslega ofbeldi, að hætta að rakka og smána okkar bestu íþróttamenn, og hætta að veita þennan tiltekna verðlaunagrip.

Nógu margir hafa fengið að þjást.

Látum 2019 vera ár breytinga.