Thirrje: Anuloni Goran Bregović nga Koncerti në “Korça Beer Fest”

Petition Closed

Thirrje: Anuloni Goran Bregović nga Koncerti në “Korça Beer Fest”

This petition had 6,914 supporters

Albana R. Ulaj started this petition to Office of the Prime Minister, Edi Rama Qeveria e Shqipërisë and

Të nderuar mbështetës të këtij peticioni,

Përveç kangëve serbe që po jehojnë brigjeve të Shqipërisë nëpër disa bare e restorante, tash Bashkia e Korçës ka ftuar në koncert Goran Bregović, i cili ka ngjallur nacionalizëm tek serbët me këngën "Kallashnikov" në vitet e 90-ta, ku fjalët "Pucaj" (Qëllo); "Juris" (Sulmo); dhe "Boom Boom Boom" (simbolikë e zhurmës së bombave dhe artilerisë) janë tingujt që nxitën ushtarë e paramilitarë serb për të kryer masakra në Kosovë, por edhe më gjërë në Ballkanin e viteve të 90-ta.

Ne, nënshkruesit e këtij peticioni kërkojmë:

- Që në emër të viktimave të luftës në Kosovë; në emër të masakrave që u kryen mbi popullatën Shqiptare në Kosovë; në emër të atyre për të cilët ende nuk e dimë se ku janë; në emër të nanave Shqiptare që ende po kërkojnë drejtësi për të pa gjeturit; në emër të motrave të dhunuara Shqiptare; në emër të fëmijëve që mbetën jetim gjatë luftës; në emër të atyre që i dolën përpara pushtuesve dhe që dhanë jetën për të mbrojtur identitetin, gjuhën e kombin tonë ndaj një armiku të përbetuar.

- Lusim dhe Kërkojmë nga Qeveria e Shqipërisë (Kryeministri Edi Rama) dhe Bashkia e Korçës, (Kryetar Sotiraq Filo) që menjëherë të anulojnë ftesën për pjesëmarrje në koncert, të njeriut me këngën e të cilit u frymëzuan ushtarë e paramilitarë serb për të kryer masakrat më makabre në Kosovë, dhe jo vetëm.

Arsyeja se "Kjo nuk është çështje politike" nuk argumentohet dhe mbështetet, as me aspektin moral, logjik, njerëzor, e human. Artisti (pa marrë parasysh vlerave artistike) mund të bojkotohet kur ka histori të nxitjes së urrejtjes, dhe haptazi shkel edhe ligjet ndërkombëtare.

Vlen të theksohet se:

Përkundër sanksioneve ndërkombëtare e perendimore të vëna kundër Rusisë për çështjen e Krimeas në Ukrainë, Bregoviç në Mars të vitit 2015 mbajti koncert në Sevastopol të Krimes (territor i Ukrainës i uzurpuar në atë kohë me dhunë nga Rusia.) Në atë koncert ai kishte deklaruar: “Shpresoj se perendimi do të shërohet nga paranoia e Rusisisë, pasi shumë gjëra të mira vijnë nga lindja dhe Rusia.” 

Pas këtij koncerti, pjesëmarrja e tij në një festival paqësor të quajtur “Festivali i Jetës” që do të mbahej në Poloni u anulua. Organizatorët kishin thënë: “Me deklaratat e tij, Bregoviç dëshmoj se nuk pasqyron vizionin dhe qëllimin e festivalit tonë, që është paqësor dhe ani-luftë.”

Bregoviç asnjëherë nuk përdori influencën e tij që si artist t’i thërras humanizmit, e të bëj apel kundër gjenocidit ndaj shqiptarëve, por as ndaj boshnjakëve në Bosne, vendlindjen e tij. Ai i’u referua Nënës Terezë si “cigane” dhe mbajti koncert në Greqi më 1999 kundër forcave të NATO-s që ndihmonin popullin e Kosovës gjatë luftës së regjimit Millosheviqian.

Faleminderit për përkrahjen e peticionit! 

——————————————————

Petition Closed

This petition had 6,914 supporters