Դիմում ենք ՀՀ կառավարությանը պահանջով, որպեսզի ԱՆՀԱՊԱՂ կարգավորվեն պետական ծառայությունների մատուցման որակները, համապատասխանեցնելով ժամանակակից չափանիշներին:

Մասնավորապես, հարց ենք բարձրացնում քաղաքային տրանսպորտի սպասարկման ոլորտը բարելավելու անհետաձգելի խնդրի առնչությամբ: ՀԱՄԲԵՐՈՒԹՅՈՒՆԸ ՍԱՀՄԱՆՆԵՐ ՈՒՆԻ...

Հարցին լուծում տալու հետաձգումը կդիտարկվի որպես պաշտոնական դիրքերի չարաշահում և անհարգալից վերաբերմունք սեփական ազգի խնդիրների նկատմամբ: Նման պարագայում հանրության արձագանքը կլինի առավել կոշտ, ինչը բնական ռեակցիա է շարունակական անտեսվածությանը:

Համաձայն ՀՀ Սահմանադրության Հոդված 3-ի առաջին դրույթի, որտեղ ասված է ,,Հայաստանի Հանրապետությունում մարդը բարձրագույն արժեք է: Մարդու անօտարելի արժանապատվությունն իր իրավունքների և ազատությունների անքակտելի հիմքն է՛՛:

Մենք համարում ենք, որ մեր արժանապատվությունը նսեմացված է տասնյակ տարիներ, ՀՀ քաղաքացու համար ստեղծված են կենսակերպի նսեմացուցիչ պայմաններ:

Հանդես ենք գալիս սեփական իրավունքները պաշտպանելու խիստ պահանջով և սկսում ենք սեփական իրավունքները պաշտպանելու մեր քայլից, այն է քաղաքային տրանսպորտի ոլորտի անհապաղ բարեփոխումը:

Պահանջում ենք ՀՀ բյուջեն բաշխել ողջամիտ ու բարոյական հիմքերով և մեր բոլորիս հարկերը արդարացնել հայ ժողովրդի համար արժանավայել պայմաններ ստեղծելով:

Պահանջում ենք անհապաղ կյանքի կոչել հիշատակված դրույթները, այլապես կհամարենք Մայր-օրենքի կոպիտ խախտում և ՀՀ քաղաքացիների իրավունքի կոպիտ ոտնահարում. Հոդված 5 - ,,ՀՀ Սահմանադրությունն ունի բարձրագույն իրավաբանական ուժ՛՛ : 

Ի հավելումն, հստակեցնում ենք՝ քաղաքային և միջմարզային տրանսպորտը պետք է գործի հետևյալ նորմերով՝

• Հստակ ժամային չվացուցակ հանրային իրազեկման աղբյուրների առկայությամբ
• Պրոֆեսիոնալ վարորդների ընդգրկում (խստագույնս փորձագիտական ստուգման ենթարկելով սպասարկող անձնակազմի հոգեբանական վիճակը), մասնագետները պետք է տիրապետեն ՀՀ քաղաքացու հետ հաղորդակցման ծառայողական էթիկային և անվտանգ երթևեկելու հմտություններին
• Կանգառներում համապատասխան քանակի հարմարավետ սպասատեղերի առկայություն
• Երթևեկող ուղևորների հստակ քանակի սահմանում ամեն փոխադրամիջոցի համար, բացառելով տրանսպորտի գերծանրաբեռնվածությունը
• Ապահովել շուրջորյա սպասարկում՝ գիշերային ժամերի հերթապահությամբ, ներառյալ մետրոպոլիտենը
• Հիշյալ ոլորտում կոռուպցիոն սխեմաների բացահայտում և քրեական պատասխանատվության ենթարկում, սույն երևույթը խաթարում է տրանսպորտի բնականոն աշխատանքին
• Վարորդների գործառույթներում ներառած դրամահավաքի հնացած պրակտիկայի վերացում, սույն գործընթացը շեղում է վարորդներին իրենց բուն ֆունկցիայից. այն է ուղևորների անվտանգ փոխադրումը
• Սպասարկող անձնակազմի՝ վարորդների կողմից երթևեկության կանոնների խստագույնս պահպանում, հատկապես կանգառներում կայանելու տեսանկյունից:
• ՀՀ քաղաքացին պետք է երթևեկի ապահով, անվտանգ, հոգեբանորեն հարմարավետ պայմաններում, ինչը կնպաստի հանրության արժանապատվության զգացումի վերականգնմանը:

Ինչպես հստակ գրված է ՀՀ Սահմանադրության Հոդված 23-ում ,,Մարդու արժանապատվությունը անխախտելի է":

ՀՀ քաղաքացիների նախաձեռնություն

----------

Հասցեատերեր՝

ՀՀ Սահմանադրական դատարան https://www.concourt.am

https://www.facebook.com/armconcourt

ՀՀ Կառավարություն https://www.gov.am/am/ 

https://www.facebook.com/armgovernment

ՀՀ Ազգային Ժողով http://www.parliament.am

https://www.facebook.com/parliament.am

Երևանի քաղաքապետարան https://www.yerevan.am/am/

https://www.facebook.com/YerevanCityHall

ՀՀ Մարդու իրավունքների պաշտպանի գրասենյակ https://www.ombuds.am

https://www.facebook.com/KristinneGrigoryan

,,Առավոտ՛՛ օրաթերթ https://www.facebook.com/aravot.am

,,Հետք՛՛ ինտերնետային թերթ 

https://www.facebook.com/hetqonline

,,Իրավունք՛՛ թերթ https://www.facebook.com/iravunk

,,168 ժամ՛՛ 

https://www.facebook.com/profile.php?id=100064844014355

,,Երկիր Մեդիա՛՛

https://www.facebook.com/YerkirMediaTVNews

,,CivilNet''

https://www.facebook.com/CivilNet.TV

,,Ժողովուրդ՛՛ օրաթերթ https://www.facebook.com/armlur.am

,,Ազատություն՛՛ ռադիոկայան https://www.facebook.com/azatutyun