Արագածոտն մարզի Ագարակավան գյուղին կից տարածքում` հարևան Կաքավաձոր գյուղում, փորձում են բացել և շահագործել քարհանք, որը Ագարակավանի բնակելի տարածքից` տներից, գտնվում է առնվազն 600մ հեռավորության վրա։ Նախատեսվում է, որ քարհանքն ունենալու է 13 հա(130000 քառակուսի մետր մակերես)։ Բացի այն, որ քարհանքը գտնվում է բնակելի  տների հարակից տարածքում, այն նաև գտնվում է  Ագարակավան գյուղին կից ձորի եզրին, որտեղ ապրում են բազմազան կենդանիներ, և աճում են տարբեր ծառեր և բույսեր։ Քարհանքի ամբողջ արգասիքները ամենայն հավանականությամբ թափվելու են այդ ձորը, ինչը աղետաբեր հետևանքներ է ունենալու շրջակա միջավայրի համար։