Ние, граѓаните на Македонија бараме итно запирање на воените дејствија во Украина и итно повлекување на окупаторските воени сили од страна на Руската Федерација од територијата на Украина.  Бараме почитување на територијалниот интегритет на Украина.  Апелираме до сите мирољубиви граѓани во светот да го кренат гласот за мир и почитување на човековите права. Ги поддржуваме антивоените протести во Русија и низ целиот свет и ги поддржуваме милионите руски државјани кои се против војната.  Национализмот и милитаризмот се последното прибежиште на диктаторите.