Á móti vindmyllugarði á Brekkukambi í Hvalfjarðarsveit

Á móti vindmyllugarði á Brekkukambi í Hvalfjarðarsveit

0 have signed. Let’s get to 2,500!
At 2,500 signatures, this petition is more likely to get picked up by local news!
Arnfinnur Jónasson started this petition

Við, íbúar, sumarhúsaeigendur og aðrir sem þykir vænt um Hvalfjörðinn skorum á sveitastjórn Hvalfjarðarsveitar og Skipulagsstofnun að hafna því að veita leyfi til að setja upp vindmyllugarða á toppi Brekkukambs í Hvalfirði.  

Brekkukambur er 647m yfir sjávarmáli og vindmyllur sem settar yrðu upp eru allt að 250m á hæð. Það er rúmlega þreföld hæð Hallgrímskirkjuturns í Reykjavík og munu vindmyllurnar sjást í um 40km radíus. Þær munu valda sjónmengun hjá flestum íbúum Hvalfjarðarsveitar og stórum hluta sumarhúsaeigenda í sveitinni. Þær munu sjást í Kjós, í Skorradal, á Akranesi og uppsveitum Borgarfjarðar. 

Lífsgæði íbúa muna skerðast vegna hljóðmengunar og skuggavarps sem hafa áhrif á heilsu manna. Frá þeim stafar stöðugur niður og hávaði sem verður mikið áreiti og það er vel þekkt staðreynd að hér í Hvalfirði bergmálar hljóð langar leiðir í kyrru veðri. Nálægð við vindmyllur hefur valdið því erlendis að fasteignaverð lækkar, hvort sem er heimili fólks eða sumarhús og eignir verða mjög erfiðar í endursölu. 

Ferðaþjónustan er orðin mjög mikilvæg grein í Hvalfjarðarsveit og nábýli við vindmyllugarð mun skaða ferðaþjónustu í sveitarfélaginu en einnig í Kjósinni þar sem er í gangi mikil uppbygging í ferðaþjónustu. Vindmyllurnar munu sjást frá mjög fjölsóttum ferðamannastöðum eins og fossinum Glym, Síldarmanngötum, Leggjabrjóti og Þingvöllum svo dæmi séu tekin. Það mun sannarlega hafa neikvæð áhrif á upplifun ferðamanna á þessum vinsælu stöðum.

Hvalfjörður er í B-hluta náttúrurminjaskrár enda mikilvægt fuglasvæði. Í Hvalfirði er fast búsvæði Hafarnarins. Það er vel þekkt frá m.a. Noregi að ernir hafa lent í spöðum vindmylla og drepist. Þá er fjöldi annarra fuglategunda eins og gæsir. rjúpur og álftir sem lifa á þessu svæði.

Stöndum saman og mótmælum þessum fyrirætlunum um að setja upp vindmyllugarð á toppi Brekkukambs, þær eiga alls ekki heima þar. Þú gerir það með því að skrifa hér undir en einnig getur þú sent umsögn til Skipulagsstofnunnar fyrir 20. júlí 2022. Á myndinni sem fylgir er litað með dökkbláu þar sem vindmyllurnar munu sjást mjög vel. Matsskýrslan er aðgegnileg á heimasíðu Skipulagsstofnunnar. https://www.skipulag.is/skipulagsstofnun/mal-i-kynningu/safn/brekka-vindorkugardur-i-hvalfjardarsveit  Taktu afstöðu!

0 have signed. Let’s get to 2,500!
At 2,500 signatures, this petition is more likely to get picked up by local news!